Cart 0
කෙලවර ඉඩෝරය
වැසි පල ලැබෙන වාරය
බිම් කොටා හමාරය
දැන් බිජු ඉසින මාසය
අපට දැඩි වෙහෙසය
දඬු මැසි බැඳිය නොහැකිය
නුඹේ දෑත් යදඬුය
හේනට කෙතට පුරුදුය
පොලොව සරුසාරය
බිරියන් වැඩට සූරය
පලදාව නිසැකය
ගොවියනි, දිනුම සිකුරුය
නිරි සතුන් බහුලය
ඉනි වැට බිඳිනු ලෙහෙසිය
වල් අලින් දරුනුය
ගිනිමැල ගැසිය යුතුමය
නොබලා මාන්සිය
දරුවනි, උදව් දීපිය
අපට ඇත ප්‍රීතිය
නුඹලාට සියලු වාසිය
බොහෝ සේ නුදුරුය
අස්වනු පැසෙන කාලය
පැල් රකින කාරිය
කවියනි, තොපට බාරය!
– දර්ශන මේදිස්
