Homepage - The Wachana

Uncategorized

‘කෑන් 2025 සිනමා උළෙලෙහි සම්මාන ලැබූ චිත්‍රපට

'වාලම්පුරි' නමින් ලාංකේය සිනමා ඉතිහාසය තුළ චිත්‍රපටයක් නිර්මාණය වන, මෙි දෙවැනි අවස්ථාව වේ. මීට පෙර 'වාලම්පුරි' නමින් 1981 දී මාර්තු 14 වැනිදා තවත් චිත්‍රපටයක් මෙරට තිරගත වී ඇත. ඒ වාලම්පුරි චිත්‍රපටය පිළිබඳ ලංකාවෙි ප්‍රේක්ෂකාගාරයේ බහුතරය දෙනා නොදනී. එය අධ්‍යක්ෂණය කර ඇත්තේ ප්‍රවීණ ටෙලිනාට්‍ය අධ්‍යක්ෂවරයකු වන බර්ම්න් ලයිලි ප්‍රනාන්දු විසිනි. එහි ප්‍රධාන චරිතය රඟපෑවේ විජය කුමාරතුංග විසිනි. එහි කතා පුවත වූයේ කෝවිලකින් සොරා ගත් වාලම්පුරියක් සහ වාලම්පුරිවලට දැඩිව ආශා ඇති හීං බණ්ඩා නම් තරුණයකු වාලම්පුරි සොයා දිය යට කිමිදෙන වික්‍රමාන්විත කතා පුවතකි. කෙසේ නමුත් 1981 දී නිර්මාණය වූ වාලම්පුරි චිත්‍රපටය පිළිබඳ කතාව පසුවට තබා ලක්මාල් ධර්මරත්න අධ්‍යක්ෂණය කළ 'වාලම්පුරි හෙවත් හීන හතහමාරක්' කතා කළ යුතුම ය. වාලම්පුරි සිඩිනිලාගේ කතාවයි. හුදෙක්ම වාලම්පුරියක් ගැන නොවෙි. නූගත්කමේත් දිළිඳුබවේත් සමාජ අසාධාරණයේ ප්‍රවාහයට හසු වූ සිඩිනිලාගේ කතාවයි. සිනමාපටයේ දෘශ්‍යමානය ඉක්මවන යටි අරුත් මඟින් ප්‍රකාශ වන්නේ තියුණු සමාජ දේශපාලිනික - ආර්ථික ප්‍රපංචයකි. කැකැරෙන සමාජ විරෝධයකි. සිනමාකරුවාගේ දේශපාලනික-සාමාජීය දෘෂ්ටිවාදය චිත්‍රපටය තුළ දැක්වෙන කතාවේ සියුම්ව ගෙනහැර දක්වති. වාලම්පුරි චිත්‍රපටයේ කතාව කෙසේවෙතත් එහි නළු නිළි කැලගේ රංගනය සහ⁣ දෙබස් පෞද්ගලිකයම වඩාත් සිත්ගත් කාරණා දෙකකි. මෙි දිනවල තිරගත වන නෙළුමි කුලුණ චිත්‍රපටයේ ද මෙම ලක්ෂණය දුටිමි. කුඹියෝ වැනි ගුණාත්මකවූත් නිෂ්පාදන වටිනාකමක් සහිත ටෙලිනාට්‍යයක් නිර්මාණය කළ ලක්මාල් ධර්මරත්න සිනමාකරුවකු ලෙස ලාංකේය සිනමාවට ප්‍රවිෂ්ඨ වීම අතිශය සතුටුදායක දෙයකි. ලක්මාල් ලියු තිර පිටපත තුළ අලංකාරයක් ඇත. සීගිරිය වැනි ඓතිහාසික භුමියක ජීවත්වන තුන්වේල සරිකරගන්නට වෙර දරන ජහුටා නාට්‍ය කණ්ඩායමකගේ ජීවිත අනපේක්ෂිත ලෙස උඩුයටිකුරු වන කතා පුවත නම් ක්ලැසික් ය. චමත්කාරජනක කතාවකි. කුඹියෝ තුළ දුටු ලක්මාල්ගේ කැරළිකාරී ස්වරූපය වාලම්පුරි තුළ ද දක්නට ලැබෙි. නිදර්ශනයක් ලෙස චිත්‍රපටය ආරම්භවන දේශපාලනික ඇමතුම් සමිබන්ධ සමෝධානිත (montage) රූප පෙළ ලක්මාල් ධර්මරත්න නමි සිනමාකරුගේ ලාංකේය කුණු දේශපාලනය පිළිබඳ ඇති දැඩි විරෝධය පිළිබිඹු කරන්නකි. සිනමාකරුගේ අරමුණ වනුයේ අවසන් තීරණාත්මක ගැටුම දක්වා ප්‍රේක්ෂකයා රඳවා තබා ගැනීම මෙන්ම ඔවුන්ට ලාංකේය දේශපාලනික-සාමාජීය සංස්ථාව පිළිබඳ යමක් සිතන්නට ඉඩ ලබා දීමයි. මුළු චිත්‍රපටය පුරා වඩාත් අවධානය නතු කරගන්නා චරිතය වන 'සිඩිනි' නමි චරිතය සඳහා පණ පොවන ප්‍රියන්ත සිරිකුමාරගේ රංගනය විසින් චිත්‍රපටයට ලබා දෙන වටිනාකම ඉතා ඉහළය. ප්‍රියන්ත ප්‍රකට කරන ප්‍රතිභාව අගය කළ යුතුම එකකි. අශාන් ඩයස්, සරත් කොතලාවල, තුමිඳු දොඩන්තැන්න, වසන්ත මොරගොඩ, දිල්හානි ඒකනායක, අංජන ප්‍රේමරත්න, උදයන්ති කුලතුංග, කින්ග් රත්නමි, නිරෝෂන් විජේසිංහ, දර්ශන් ධර්මරාජ් වැනි මෙරට සිනමාවේ අත්දැකීම් බහුල නලු නිළියන් පිරිස මඟින් අපුරු රංග වින්‍යාසයන් පෙළක් එක දිගට දැකබලා ගන්නට ලැබෙනවා. විශ්වවිද්‍යාලයේ අධ්‍යාපනය ලබන තරුණ හාමුදුරුනමකගේ චරිතය නිරූපණය කරන සේවියර් කණිෂ්කගේ රංගනය තරමක් කෘත්‍රීම වෙි. වාලම්පුරි චිත්‍රපටයේ කතා තේමාව සාමාන්‍ය වූ එකකි. එය අපිට එදිනෙදා ජීවිතයේ නිතර දෙවෙිලේ පුවත්පත්වලින්, ටෙලිවිෂන්වලින් හමුවන තේමාවකි. එම කතා තේමාව යළිත් සිනමාවට ප්‍රබන්ධයක් ලෙස ගෙන ඒම කෙතරම් දුරට ප්‍රේක්ෂකයාට නවමුබවක් ඇති කරනවාද? යන්න ඉතාමත් පරෙස්සමෙන් යුතුව කල්පනා කළ යුතුය. සිනමාපටයේ කැමරාකරණය සහ සංස්කරණය යන ප්‍රධාන අංශ දෙක විසින් ගොඩ නඟන කතාවෙි රිද්මයානුකූලබව වැදගත් ය. කලා අධ්‍යක්ෂණය විසින් කතාවට ලැබිය යුතු අවකාශය මැනවින් ඉටු කර දී තිබෙි. ච්න්තක ජයගොඩිගේ පසුබිමි සංගීතය චරිත හා සිදුවීමිවල පසුබිම තීව්‍ර කරන්නකි. චිත්‍රපටයේ සිනාමාත්මකබව ඉහළ නංවන කැමරාකරණය සිදු කර ඇති කාලිංග දේශප්‍රියගේ මනරම් රූප නිමැවුම කදිමයි. රූප ජේදනය කිරීමට වඩා කතාවෙි මුල, මැද, අග කුතුහලය රැකෙන පරිදි ආඛ්‍යානය ගොඩනැඟීමත් එය කුතුහලය දනවන අයුරින් ප්‍රේක්ෂකයා චිත්‍රපටයේ අතරංම කරවීමේ කාර්යය තුළ දී එය මැනවින් ඉටු කිරීමට සංස්කරණය සමත්ව තිබෙි. සිනමාපටය ජයගන්නේ එතැනදිය. පැය දෙකයි විනාඩි තිහක දිගු ධාවන කාලයකින් සමන්විත වුව ද ප්‍රේක්ෂකයා චිත්‍රපටයේ අවසාන විනාඩිය තෙක් රඳවා ගැනීමට ලක්මාල් ධර්මරත්නගේ තිර පිටපත සහ නළු නිළියන් තේරීමත්, මෙහෙයවීමත් ඔහු චිත්‍රපටය වෙනුවෙන් දක්වා ඇති අවංකභාවයත් අගය කළ යුතු ය. වාලම්පුරි ප්‍රේක්ෂකයා වෙත ගෙන එන්නේ හරවත් සමාජ ප්‍රකාශනයකි. 'වාලම්පුරි හෙවත් හීන හතහමාරක්' යනු විශිෂ්ට ගණයේ චිත්‍රපටයක් නොවෙි. ලංකාවේ නුතන ප්‍රේක්ෂකාගාරය සිනමාත්මකව සහ දෘෂ්ටිවාදාත්මකව කුල්මත් කළ හැකි සමාජ දේශපාලනික පඨිතයක් ලෙස Thriller - Black - Comedy - Drama ශානරයේ හොඳ චිත්‍රපටයකි.

1 month ago

සිනෙමා

ලංකාවේ මහා ප්‍රේක්ෂකාගාරයේ නිල අල්ලන ‘වාලම්පුරි හෙවත් හීන හතහමාරක්

‘වාලම්පුරි’ නමින් ලාංකේය සිනමා ඉතිහාසය තුළ චිත්‍රපටයක් නිර්මාණය වන, මෙි දෙවැනි අවස්ථාව

2 months ago

පුවත්

ලියනගේ අමරකීර්ති මහතාගේ නවතම කාව්‍ය සංග්‍රහය අප්‍රේල් මාසයේදී

පේරාදෙණිය විශ්වවිද්‍යාලයේ මහාචාර්යවරයෙකු වන ලියනගේ අමරකීර්ති මහතාගෙ නවතම කාව්‍ය සංග්‍රහය වන ‘මහා

ඉරක් ගසා හරි කෙළින් නූලට ඇද යා යුතුද ඒ මතින් ජීවිතය ඉදිරිය අපැහැදිලි කගකර මාවතක සුන්දර ම දේ හමුවණු බැරිද තරු ඇවිත් හැඩි කෙරුවෙ නැත්නම් රෑ අහස සුන්දර ද මේ තරම් ඒ රැය කළ දෙග් සුව මතකයන් අවුල් වූ සිරියහන් මත බලන් බත් පතෙහි වූ කෙස් ගසක් වුව පිරිමදින් නැති සෙනෙහසින් පෙර දාක සොදුරු සැමරුමක් වත් නොතබා ළග ඉවත ලන දේ ඇතිද මිහිමත කුසලානයක් නොවේ ජීවිතය දිනුම් කණු පසු කළ විට ලබන මේ දැන් මෙතැන ඇති මී විතකි ඔබට මට රස විගත හැකි හැර දමා ඇත දොර පියන් මිතුර ඒ එන්න බර අඩි තියන් කප්පාදු අඩු කතුරු,අඩි කෝදු සපුරා තහනම්ය,අහිතක් නොම සිතන්

3 months ago

කවි

ඉරක් ගසා හරි කෙළින් නූලට, ඇද යා යුතුද ඒ මතින් ජීවිතය | රෝහණ පොතුලියද්ද

ඉරක් ගසා හරි කෙළින් නූලට ඇද යා යුතුද ඒ මතින් ජීවිතය ඉදිරිය

විදුලි පහන උඩ වහලා හිටිය ගිජු ලිහිණියෙක් 　　　　බලාගෙන හිටියා කළු ගැහුනු කොල්ලො රොත්තක් සෙල්ලං කරන හැටි පල්ලෙහා රේල් පාරේ ඔව්, ඒක බොහොම සාමාන්‍ය සිකුරාදා හවසක් එක යායට සට සට ගාන මුඩුක්කු වහලවල් උඩින් පාලමේ අපි ගියා බස් එකේ තෙරපි තෙරපි තෙරපි තෙරපි වෘක ඔළුවක් තිබ්බ උස මිනිහෙක්ගෙ ඇරුනුනු කටින් 　　　　බේරුනා 　　　　කෙල 　　　　බිංදු 　　　　බිංදු ඉස්සරහ හිටි ගෑනු ළමයෙක්ගෙ කරට ඉඳගෙන හිටිය වයසක ගෑණු කෙනෙක් කරේ තිබ්බ පරණ කැලලක් වහගත්ත අතින් අනිත් හැමෝටම ගොඩක් වැදගත් දේවල් සිද්ද වුනා 　　　　ජනෙල් වලින් එලියේ මෙහා ඉවුරට ගොඩ බැස්ස බස් එකෙන් මං බැස්සා මගේ බස් මතකෙත් මකාගෙන 　　　　　　　　බස් එක යන්න ගියා බස් නැවතුමේ මිනිහෙකව දඩයම් කරගෙන කකා හිටපු සිංහයෙක් මං දිහා බලල විරිත්තුවා 　　　　 ලේ හැලෙන දත් වලින් මං ලාවට හිනා වෙලා එතනින් මාරු වුනා (සිංහයා වුනත් අස්‍රය කරන්න ඕනෙ අතේ දුරින්) තව මිනිස්සු රැස් වෙලා හිටියා ඉවුර දිගට ප්ලාස්ටික් පුටු තියාගෙන මගේ යාළුවොත් හිටියා ඒ අතර මං එකතු වුනා ඒ ගොල්ලන්ට ටිකකින් ආපු හෙලිකොප්ටරයකින් අල්ලපු ඉවුරෙ මුඩුක්කු වලට 　　　　බෝම්බ දාන හැටි අපි බලන් හිටියා 　　　　　　　　පොප් කෝන් කකා අපි අත් දික් කරල ඒක අපේ පොඩි වුන්ටත් පෙන්නුවා අහසෙ මතුවෙච්ච කළු වළාකුළු ඇතුලෙන් ඇහුනා 　　　　පොඩි ළමයි කෑගහන හඬ ගොරවනවා! අද රෑ වහියි වගේ කවුදෝ කිවුවා

3 months ago

කවි

2025.01.30 – තරින්ද්‍ර ගලහේන

විදුලි පහන උඩ වහලා හිටිය ගිජු ලිහිණියෙක් 　　　　බලාගෙන හිටියා කළු ගැහුනු කොල්ලො

නවතම ලිපි

ජනප්‍රියතම ලිපි

Filter by

1 week ago

Uncategorized

‘කෑන් 2025 සිනමා උළෙලෙහි සම්මාන ලැබූ චිත්‍රපට

ලෝක සිනමාවේ ජනප්‍රියවූත් දැවැන්ත ආකර්ෂණයක් දිනාගත් සිනමා සන්නාමයක් බවට පත්ව ඇති ශ්‍රේෂ්ඨතම

කන්නඩ කතුවරිය බානු මුශ්තාක් විසින් රචිත "හර්ට් ලැම්ප්" (Heart Lamp) නම් කෙටිකථා සංග්‍රහය 2025 ජාත්‍යන්තර බුකර් ත්‍යාගය දිනා ගැනීමත් සමඟ ලෝක සාහිත්‍ය ක්‍ෂේත්‍රයේ සුවිශේෂ ඉතිහාසයක් ගත වී ඇත. දීපා භස්ති විසින් ඉංග්‍රීසියට පරිවර්තනය කරන ලද මෙම කෘතිය ජාත්‍යන්තර බුකර් ත්‍යාගය දිනාගත් පළමු කන්නඩ භාෂා කෘතිය සහ පළමු කෙටිකථා සංග්‍රහය යන සුවිශේෂත්වය ලබා ගනී. එමෙන්ම දීපා භස්ති ජාත්‍යන්තර බුකර් ත්‍යාගය දිනාගත් පළමු ඉන්දියානු පරිවර්තකවරිය ලෙස ද ඉතිහාසගත වේ. දකුණු ඉන්දියාවේ පීතෘමූලික සමාජ තුළ ජීවත්වන කාන්තාවන්ගේ ජීවිත පිළිබඳ ගැඹුරු විමර්ශනයක් ලෙස "හර්ට් ලැම්ප්" රචනා කර ඇත. මෙම කෙටිකථා සංග්‍රහයේ ප්‍රධාන තේමා වන්නේ කුලවාදය, ස්ත්‍රී පුරුෂ භේදය, ආගම සහ බලය යන සංකල්ප මගින් නිර්මාණය වන සමාජ ව්‍යුහයන් තුළ කාන්තාවන්ට මුහුණ දීමට සිදුවන අභියෝගයන්ය. කතුවරිය බානු මුශ්තාක්ගේ සූක්‍ෂ්ම හා බලගතු ගද්‍ය ශෛලිය හරහා දකුණු ඉන්දියාවේ ගම්බද සමාජයේ මනුෂ්‍ය අත්දැකීම්වල සංකීර්ණතාවයන් ජීවන්ත ලෙස නිරූපණය වී ඇත. සාම්ප්‍රදායික විශ්වාසයන්, ජාති විභේදන් සහ ස්ත්‍රී පුරුෂ සමාජ භූමිකාවන් අතර ගැටුම්කාරී සම්බන්ධතාවයන් මෙම කථාවල ප්‍රධාන අන්තර්ගතය වේ. පරිවර්තකවරිය දීපා භස්තිගේ දක්ෂ කර්මාන්තයේ ප්‍රතිඵලයක් ලෙස කන්නඩ භාෂාවේ සංස්කෘතික සහ භාෂික සූක්‍ෂ්මතාවයන් ඉංග්‍රීසි අනුවාදයේ ද සාර්ථක ලෙස ආරක්ෂා වී ඇත. මෙය ඉන්දියානු ප්‍රාදේශීය සාහිත්‍යයේ ගුණාත්මකභාවය ලෝක වේදිකාවට ගෙන ඒමේ වැදගත්කම අවධාරණය කරයි. £50,000 ක් වන ත්‍යාග මුදල කතුවරිය සහ පරිවර්තකවරිය අතර සමානව බෙදී ගනු ලැබේ. මෙම සම්මානය හුදු ආර්ථික ප්‍රතිලාභයක් පමණක් නොව, දකුණු ආසියානු සාහිත්‍යයේ ගුණාත්මක මට්ටම ජාත්‍යන්තර වශයෙන් පිළිගැනීමේ සුවිශේෂ අවස්ථාවකි. බානු මුශ්තාක්ගේ ජයග්‍රහණය කන්නඩ සාහිත්‍යයේ පමණක් නොව සමස්ත ඉන්දියානු සාහිත්‍යයේ නව පරිච්ෙඡදයක් සනිටුහන් කරයි. ප්‍රාදේශීය භාෂාවන්හි ගුණාත්මක සාහිත්‍ය කෘති ජාත්‍යන්තර වේදිකාවන්හි සාර්ථක අනුවාදයන් හරහා ලබන පිළිගැනීම සාහිත්‍ය සම්ප්‍රදායේ බහුජාතිකත්වය සහ සමාජ විවේචනාත්මක වටිනාකම් අවධාරණය කරයි.

1 week ago

පුවත්

කන්නඩ කතුවරිය බානු මුෂ්තාක්ගේ Heart Lamp, 2025 ජාත්‍යන්තර බුකර් සම්මානය දිනාගනී

කන්නඩ කතුවරිය බානු මුශ්තාක් විසින් රචිත “හර්ට් ලැම්ප්” (Heart Lamp) නම් කෙටිකථා

ශ්‍රී ලාංකේය සිනමාවේ සුවිශේෂී අධ්‍යක්ෂවරියක වූ සුමිත්‍රා පීරිස්ගේ 'ගැහැනු ළමයි (1978) චිත්‍රපටය, මෙවර ලොව කීර්තිමත්ම අන්තර්ජාතික චිත්‍රපට උළෙලක් වන කෑන්ස් චිත්‍රපට උළෙලේ Cannes Classics අංශය තුළ ප්‍රදර්ශනය කිරීම සඳහා නිල වශයෙන් තෝරාගෙන තිබේ. 1978 වසරේදී මුල්වරට තිරගත වූ මම චිත්‍රපටය, ඩිජිටල් මාධ්‍යයෙන් නැවත ප්‍රතිසංස්කරණය කිරීමෙන් අනතුරුව මෙලෙස කෑන්ස් චිත්‍රපට උළෙල හරහා ලෝක සිනමා ප්‍රේක්ෂකාගාරය වෙත ගෙන ඒමට කටයුතු සූදානම් කර ඇති බව වාර්තා වෙයි. චිත්‍රපටයට නැවත ප්‍රතිසංස්කරණය කිරීමේ කටයුතු ඉන්දියාවේ Film Heritage Foundation සහ Lester James Peries and Sumitra Peries Foundation යන ආයතන එක්ව සිදු කර ඇති අතර ඒ සඳහා French Embassy in India, French Institute in India සහ the Ambassade de France à Sri Lanka et aux Maldives යන ආයතන මූල්‍යමය දායකත්වය ලබා දී ඇත. ගැහැනු ළමයි චිත්‍රපටයේ ප්‍රදර්ශනය සඳහා එහි ප්‍රධාන නළු නිළියන් වන වසන්ති චතුරානි, අජිත් ජිනදාස සහ ශ්‍යාමා ආනන්ද යන මහත්වරුන් හා, ඉන්දියාවේ ප්‍රංශ ආයතනයේ ශ්‍රව්‍ය දෘශ්‍ය, සිනමා සහ ඩිජිටල් අන්තර්ගතය සඳහා වූ ඇටෑච් මැතිව් බෙජොට්, ලෙස්ටර් ජේම්ස් පීරිස් සහ සුමිත්‍රා පීරිස් පදනමේ සභාපතිනි ගයාත්‍රි මුස්ටාචි සහ ගාමිණී ෆොන්සේකා පදනමේ ප්‍රධානියා වන දමිත් ෆොන්සේකා ඇතුළු කීර්තිමත් දූත පිරිසක් සහභාගී වනු ඇත. Source: Film Heritage Foundation

4 weeks ago

පුවත්

සුමිත්‍රා පීරිස්ගේ ‘ගැහැනු ළමයි’ මෙවර කෑන්ස් අන්තර්ජාතික චිත්‍රපට උළෙලට

ශ්‍රී ලාංකේය සිනමාවේ සුවිශේෂී අධ්‍යක්ෂවරියක වූ සුමිත්‍රා පීරිස්ගේ ‘ගැහැනු ළමයි (1978) චිත්‍රපටය,

1 month ago

සිනෙමා

ලංකාවේ මහා ප්‍රේක්ෂකාගාරයේ නිල අල්ලන ‘වාලම්පුරි හෙවත් හීන හතහමාරක්

සංවාද

අදහස්

කසුකුසුව – මංජුල වෙඩිවර්ධන සමඟ

සංවාද

කසුකුසුව – රත්න ශ්‍රී විජේසිංහ සමග

සංවාද

කසුකුසුව – සේවියර් කණිශ්ක සමග

සිනමාව

― See more posts

1 month ago

සිනෙමා

ලංකාවේ මහා ප්‍රේක්ෂකාගාරයේ නිල අල්ලන ‘වාලම්පුරි හෙවත් හීන හතහමාරක්

අර්ජුන් සෙන්ට අවුරුදු 32 පහුවෙනකොට එයා දැනගන්නවා එයාට ස්වරාලයේ පිළිකාවක් තියෙන බව. ස්වරාලයේ විතරක් නෙමෙයි ආමාශය දක්වාම පිළිකා සෛල වර්ධනය වෙලා. අර්ජුන් කියන්නේ වැඩියෙන් කතා කරන මනුස්සයෙක්. එයාගේ වෘත්තිය වෙන්නේ අලෙවිකරණ ක්ෂේත්‍රයේ විධායක නිළධාරියෙක් විදියට. ඒ නිසා ම එයාට කතා කරන අත්‍යවශ්‍යයි. හැබැයි මෙි පිළිකාවත් පිහිටලා තියෙන්නේ එයා කථා කරන ස්වර තන්තු පිහිටලා තියෙන ගෙල ආශ්‍රිත කලාපයේ. අර්ජුන් මෙි නිසා හොඳටම අවුල් යනවා. සැත්කමක් කරලා පිළිකා සෛල ඉවත් කරනවා. මෙි අතරේ අර්ජුන් බිරිඳගෙන් දික්කසාද වෙන්න ලියකිවිලිත් අත්සන් කරනවා. අර්ජුන්ගේ ජීවිතයේ මෙතෙක් තිබුන සාමය දියවෙලා එහෙමිපිටින්ම ජීවිතයම අවුල්ජාලාවක් වෙන්න යන්නේ ඉතාම කෙටි කාලයයි. අර්ජුන්⁣ගේ දැන් ජීවිතය තියෙන්නේ එයාගේ පුංචි දුව වෙචිච ⁣'රෙයා' එක්ක විතරයි. 'I want to talk' බොලිවුඩි චිත්‍රපටය නැවත හිතන්න බල කරන්නේ අපේ සාමකාමී ජීවිතය නැත්තට නැති කරන මරණීය පිළිකාව ගැන. මරණය කියන එක අපිට නවත්තන්න බැරි දෙයක්. හැබැයි මරණය කියන එක පමා කරන්න පුලුවන් තාවකාලිකව. අර්ජුන්ට දවස් 100යි ජීවත් වෙන්න පුලුවන් කියලා වෛද්‍යවරු නිර්දේශ කරද්දි එයා දවස් 1000ක ජීවිතයක් ගැන සෑහෙන්න බලාපොරොත්තු තියාගන්නවා. ලෙඩෙක් විදියට එයා සෑහෙන අත්දැකීම් ටිකක් අලුතින් ලබාගන්නවා. අලුත් යාළුවෝ හමිබවෙනවා. එයාගේ ජීවිතයේ හොඳම අඩවිය වෙන්වෙන්නේ රෝහල්වල ඇඳන් මත වුනත් එයා මානසිකව වැටෙන්නේ නෑ. වැටී වැටී නැඟිටිනවා. මියෙමිවා රැකෙමිවා කියලා එයා තමන්ගේ ජීවිතය පවත්වා ගෙන යන්න කරන අරගලය ගැන 'I want to talk' චිත්‍රපටයේ අන්තර්ගත වෙනවා. 'I want to talk' චිත්‍රපටයේ එන කතාව සත්‍ය කතාවක්. චිත්‍රපටය වඩාත් වැදගත් වෙන්නේ ඒ නිසාමයි. අභිෂේක් බචිචන් තමා අර්ජුන් සෙන්ට රඟපාන්නේ. අභිෂේක්ගේ දශක ගණනාවකට පසු වෙනස්ම රංගනයක් දැකබලා ගන්න හැකි වෙනවා මෙතනදි. ඔහු මේ චිත්‍රපටයේ අර්ජුන් සෙන් කියන චරිතය වෙනුවෙන් සෑහෙන වෙහෙස මහන්සියක් දරලා තියෙනවා. විශේෂයෙන් අභිෂේක්ගේ ශරීරයේ බර වැඩි කර ගැනීම වෙනුවෙන් සෑහෙන විදියට විවිධාකාරයේ ආහාර පාන අනුභව කරමින් වෙහෙසලා තියෙනවා. අභිෂේක් රෝගීයෙක් විදියටත්, පියෙක් විදියටත් චිත්‍රපටයේ හරි අපුරු රංගනයක් දැකබලා ගන්නට හැකි වෙනවා. චිත්‍රපටය අධ්‍යක්ෂණය කරලා තියෙන්නේ 'ෂූජිත් සර්කාර්' විසින්. ඔහු මීට පෙර 'විකි ඩෝනර්', 'පීකු', 'මැඩ්‍රාස් කැෆේ' සහ 'ඔක්තෝම්බර්' කියන ජනප්‍රිය චිත්‍රපට කිහිපය අධ්‍යක්ෂණය කළ අධ්‍යක්ෂවරයා. 'I want to talk' කියන්නේ 2024 වසරට අදාළව තිරගත වුණු හොඳම බොලිවුඩි චිත්‍රපටයක්. සත්‍ය කතාවක් විදියට යමෙකුට Motivation ride එකක් ගන්න පුලුවන් විශිෂ්ට චිත්‍රපටයක්.

4 months ago

සිනෙමා

‘මට කතා කරන්න ඕන….’ – I want to talk

අර්ජුන් සෙන්ට අවුරුදු 32 පහුවෙනකොට එයා දැනගන්නවා එයාට ස්වරාලයේ පිළිකාවක් තියෙන බව.

4 months ago

සිනෙමා

‘ඔස්ට්‍රියානු සංස්කෘතික භීතිකාව නොහොත් ආගමික මිථ්‍යාවෙන් සියදිවි නසා ගැනීම’ – ‘The Devil’s Bath’

උදෑසනම රූස්ස ගස් පිරි මහා වනයේ නිහඬතාවය කපාගෙන යන පුංචි බිළින්දෙකුගේ නොනවත්වා

පිරිමි දියකළ ශෘංගාරී - ස්වර්ණා සිංහල සිනමාව

5 months ago

විචාර

පිරිමි දියකළ ශෘංගාරී – ස්වර්ණා

1966 සත් සමුදුරෙන් සිනමාවට පිවිසෙන ස්වර්ණා මල්ලවාඅරච්චි නම් අග්‍රගණ්‍ය රංගන ශිල්පිනි⁣ය ස්වකීය

‘කෑන් 2025 සිනමා උළෙලෙහි සම්මාන ලැබූ චිත්‍රපට

ලෝක සිනමාවේ ජනප්‍රියවූත් දැවැන්ත ආකර්ෂණයක් දිනාගත් සිනමා සන්නාමයක් බවට පත්ව ඇති ශ්‍රේෂ්ඨතම අන්තර්ජාතික සිනමා උත්සවය වන ප්‍රංශයේ ‘කෑන්ස් සම්මාන උළෙල’ (Cannes International Film

පුවත්

කන්නඩ කතුවරිය බානු මුෂ්තාක්ගේ Heart Lamp, 2025 ජාත්‍යන්තර බුකර් සම්මානය දිනාගනී

කන්නඩ කතුවරිය බානු මුශ්තාක් විසින් රචිත “හර්ට් ලැම්ප්” (Heart Lamp) නම් කෙටිකථා සංග්‍රහය 2025 ජාත්‍යන්තර බුකර් ත්‍යාගය දිනා ගැනීමත් සමඟ ලෝක සාහිත්‍ය ක්‍ෂේත්‍රයේ

පුවත්

සුමිත්‍රා පීරිස්ගේ ‘ගැහැනු ළමයි’ මෙවර කෑන්ස් අන්තර්ජාතික චිත්‍රපට උළෙලට

ශ්‍රී ලාංකේය සිනමාවේ සුවිශේෂී අධ්‍යක්ෂවරියක වූ සුමිත්‍රා පීරිස්ගේ ‘ගැහැනු ළමයි (1978) චිත්‍රපටය, මෙවර ලොව කීර්තිමත්ම අන්තර්ජාතික චිත්‍රපට උළෙලක් වන කෑන්ස් චිත්‍රපට උළෙලේ Cannes